باتىس قازاقستان وبلىسىنىڭ مامانداندىرىلعان اۋدانارالىق ەكونوميكالىق سوتى وبلىستىڭ كاسىپكەرلەر پالاتاسىمەن بىرلەسىپ «سوتتار جۇمىسىنىڭ زامانۋي فورماتتارىن ەنگىزۋ, ارتىق سوت راسىمدەرى مەن شىعىندارىن ازايتۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» قر زاڭى جوباسىنىڭ تۇجىرىمداماسى» تاقىرىبىندا دوڭگەلىك ۇستەل وتكىزىلدى, دەپ حابارلايدى باتىس قازاقستان وبلىستىق سوتىنىڭ ءباسپاسوز قىزمەتى.
جيىنعا قاتىسۋ ءۇشىن بيزنەس-قاۋىمداستىق وكىلدەرى, ادۆوكاتتار مەن مەدياتورلار شاقىرىلدى.
شارا جوعارعى سوت پەن «اتامەكەن» ۇلتتىق كاسىپكەرلەر پالاتاسىنىڭ اراسىندا جاسالعان جول كارتاسىن جۇزەگە اسىرۋ ماقساتىندا وزدىرىلدى.
«دوڭگەلەك ۇستەل» قاتىسۋشىلارى جوعارىدا اتالعان زاڭ جوباسىنىڭ تۇجىرىمداماسى تالقىلادى. بقو كاسىپكەرلەر پالاتاسىنىڭ كاسىپكەرلەر قۇقىعىن قورعاۋ جانە جەمقورلىققا قارسى ءىس-قيمىل ءبولىمىنىڭ باسشىسى ماعريپا نيگيشەۆا جانە ەكونوميكالىق سوتتىڭ سۋدياسى نايليا سەيداحمەتوۆا بايانداما جاساپ, سوت ىستەرىن قاراۋ بارىسىندا كاسىپكەرلىك سۋبەكتىلەرىنىڭ قۇقىقتارىق قورعاۋدىڭ ۇيىمداستىرۋشىلىق-قۇقىقتىق ماسەلەلەرىنە توقتالدى. داۋدى سوتقا دەيىنگى رەتتەۋ بويىنشا مىندەتتى راسىمدەردى بەكىتۋ تۋرالى زاڭنامالىق اكتىلەرگە وزگەرىستەر ەنگىزۋ ارقىلى سوتتاردىڭ جۇكتەمەسىن ازايتۋدىڭ پارمەندى تەتىكتەرىن قابىلداۋعا نازار اۋدارىلدى.
سۋديا بيزنەستى سوت ارقىلى قورعاۋ ماسەلەلەرى بويىنشا سوتتاردىڭ «اتامەكەن» كاسىپكەرلەر پالاتاسىمەن ءوزارا ۇيلەسىمدى ارەكەت ەتۋ ماڭىزدىلىعىن ءسوز ەتتى. «كاسىپكەرلەردىڭ قۇقىقتارىن قورعاۋ سالاسىنداعى زاڭ ۇستەمدىلىگى, ادىلدىك جانە اشىقتىق قاعيداتتارىنا نەگىزىزدەلگەن جۇيەلىك ىنتىماقتاستىق تەك ءبىزدىڭ وبلىستا عانا ەمەس, جالپى رەسپۋبليكا بويىنشا كاسىپكەرلىكتىڭ ودان ءارى قارقىندى دامۋىنا ءوز سەپتىگىن تيگىزەدى»,- دەپ اتاپ ءوتتى ن.سەيداحمەتوۆا.
سونىمەن قاتار, شارا بارىسىندا مەدياتورلار اسسوتسياسى مەن وبلىستىڭ كاسىپكەرلەر پالاتاسى اراسىندا جاسالعان مەموراندۋمنىڭ ناتيجەلەرى تۋرالى ايتىلىپ, سوتقا تالاپ ارىز بەرمەستەن داۋدى رەتتەۋ ءۇشىن پالاتاعا جۇگىنگەن جك مەن زاڭدى تۇلعالار اراسىندا جاسالعان مەدياتيۆتىك كەلىسىمدەردىڭ مىسالدارى كەلتىرىلدى. كاسىپكەرلەر داۋدى سوتقا دەيىن رەتتەۋ ۋاقىت پەن قارجىنى ۇنەمدەۋگە, باستىسى دوستىق سەرىكتەستىكتى ساقتاپ قالۋعا مۇمكىندىك بەرگەنىن ايتىپ ءوتتى.
«دوڭگەلەك ۇستەلدى» قورىتىندىلاي كەلە, قاتىسۋشىلار كاسىپكەرلىك سۋبەكتىلەرى اراسىنداعى داۋلاردى رەتتەۋدىڭ بالامالى جانە سوتقا دەيىنگى نىساندارىن قولدانۋ بويىنشا ۇسىنىمدار ەنگىزدى.